التبغ والدخان والسُعال
و الجبین المُترَب کالصِلصال
وجهه مصحفٌ
تجاعیده طلاسم النضال
کفّه کم وکم صفعت خدّ المحـال
فیه شمّةٌ من علیٍّ-(؏)
ومن حاتم أقتبس الخصال
أبی یستقبل الهموم والأثقال
من الغدو لـلآصال
أبی لو ینحنی یشبه جسر الهلال
قال لی ذات مرة
لا یُعیب الرجل لبس الأسمال
مادامه لم یبسط یدهُ
لیبایع الأنذال…
أوّاه ، یا له مِن کلامٍ عذب وزلال…
حڪــیم الحویزی
______________________
ابوجهک یعیش الـأمل عاش ابتجاعیدک •
حایط علیک العسر بس ماتمـد ایدک •
یـل علـمتنـه الصبـر..
توصیفک ابیا شطر؟
یعجز کلام الشعر لو راد تمجیدک •
*حمـزه الـزهیـری*
____________
🍃🍂🍃🍂🍃🍂🍃🍂🍃
ودع باقی عمرا و باب گبرا انسد
و الیفگد عزیز اصوابه فوگ الخد
لم اماله کلها امنل گحط للعیش
او صراهن ابصره، ابصفهن اتمدد
او وصه الماحسبهن لایگول اشگد
او محلاته النگاب العله الزین انشد
دلیلول الابو ،لولیله خل اینام
اهنا تحچی المصیبه او مافهمها احد
یفهمها الچوته، النار عدها السان
السچینه العمت تفهم حچی المبرد
سولفتک حزن و اعمیت عین الیل
او راح اشتل فرح،وکت الشمس تخمد
*علی_حکیم*
_____
الابو وکت الحروره افیای گالو بلـبرد خیمه
والـ فاگـد ابو بل بـیت مـحد یـفتهم ضـیمـه
تضل فیته حزنهه ایدور فوگ اعله انزل قیمه
(و ابـلیل الـمـظلم مـطاره)
موسی بوهان
_______
الابو مثل النده امنیطیح فوگ الورد صبحیه
لازم تعتـنیله ابـشوگ و اتحب ایـده یـومیه
الابو مرهم یـصح لدای بیـده اشکثـر حنیه
(و تـشافی اجروح المالومـه)
موسی بوهان
__________
الدهر یاحیف ناکرنی وانابی
هضمنی وشلع رحاتی وانابی
ربعی ویالابو عاشت وانابی
ترکنی وسکن بتراب الوطیه
*عباس ابوحمزه الزهیری*
بیت قدیم
________
الخلگ کلهه فرح بیهه ونابای★
حزن یامکثر اهمومی ونابای★
زغیر و عاشر ابعمری ونابای★
رحل والناس تترحم علیه★
ــــــــــــــــــــــــــــــــــــــ
کلمات...ماجــدالجلالــی
______________
